Un avión (forma aumentativa do latín avis, ave), tamén denominado aeroplano, é un aerodino de á fixa, ou aeronave con maior densidade có aire, dotado de ás e un espazo de carga capaz de voar, impulsado por ningún, un ou máis motores. Os aeroplanos inclúen aos monoplanos, biplanos e triplanos. Os aeroplanos sen motor mantivéronse dende os inicios de la aviación para aviación deportiva e na Segunda Guerra Mundial para transporte de tropas, denomínanse planeadores ou veleiros.
O seu principio de fucionamento baséase na forza aerodinámica que se xenera sobre as ás, en sentido ascendente, chamada sustentación. Esta orixínase pola diferenza de presións entre a parte superior e inferior da á, producida pola forma do perfil alar.
Tamén poden clasificarse en función da súa planta motriz: avións propulsados por motores a pistón, motores a reacción ou propulsores (foguetes).